ЖАҢА LEXUS LX600 ЕНДІ АЛМАТЫДА…

RU_New_LexusRelax_1600х900px_RU_safe zone_Монтажная область 1

2022 жылдың 01 сәуірінде Қазақстан авторитейл саласы үшін көптен күткен оқиға – жаңа LEXUS LX600 ұлттық тұсаукесері өтті.

1996 жылы саудаға шыққалы бері Lexus LX брендтің флагмандық жол талғамайтын көлігі ретінде бүкіл әлемде жылы шыраймен қабылданды. Айрықша жайлылығы, үздік жүріс қасиеттері және теңдессіз сенімділігі арқасында Lexus LX сатылымы дүние жүзінің 50-ден астам нарығында 500 000 бірліктен асып кетті.

Жаңа Lexus LX жүргізуші мен жолаушыларды қайда болса да сән-салтанатты сапарлармен қамтамасыз ету үшін және олардың өмірін бұрынғыдан да қызықты ету үшін жаралған. Дәстүрлі рамалы шанақ қаңқасын сақтай отырып, Lexus инженерлері премиум санатты жол талғамайтын көліктің сенімділігін қамтамасыз етті және қауіпсіздігін арттырды. Жаңа GA-F платформасының арқасында шанақ қаңқасы қаттырақ бола түсті және көліктің салмағы 200 келіге азайды.

Бұрынғыдан да қауіпсіз және ыңғайлы жүргізу үшін аспап-құралдар тақтасында 12,3 дюймдік үстіңгі экраны және 7 дюймдік төменгі экраны бар бірегей Lexus қосарлы дисплейі, сондай-ақ көліктің алдыңғы және артқы жағының астындағы аймақты көрсететін әлемдегі алғашқы Multi-terrain Monitor жүйесі орнатылған.

Сонымен қатар Lexus клиенттерін барынша жайлылықпен қамтамасыз ету үшін көліктің VIP нұсқасында кез-келген жолда жайлы және қауіпсіз саяхаттауға қажеттінің бәрі бар. Дизайнды әзірлеу кезінде бренд мамандары флагмандық жол талғамайтын көлікке тән кербездікті, қуат пен мінезді біріктіретін пропорцияларға қол жеткізді. Басқа да технологиялар арасында Lexus модельдері ішіндегі алғашқы саусақ ізі бойынша тану функциясы старт-стоп ауыстырып қосқышын атап өтуге болады, ол әр пайдаланушы белгілеген көліктің негізгі баптауларын сақтайды, осылайша көлікті бірнеше адамның пайдалануын жеңілдетеді. «Клиенттеріміздің әр алуан өмір салтына сай болу үшін біз жаңа LX жүргізу концепциясын былай тұжырымдадық: «Әлемнің кез-келген жолында қарапайымдылық және сапа». Біз жол талғамайтын ерекше қасиеттерге ие бола отырып, қалада да, тас жолда да немесе сұрапыл жағдайда да, кез-келген жолда еркін жүре алатын және барлық жолаушыларға жайлы саяхаттауға мүмкіндік беретін көлік жасауды мақсат еттік.

Қатты жолда сан рет сынаудан кейін шыққан ақауларды қайта-қайта жөндеу арқылы біз Lexus LX-тің дәстүрлі жол талғамайтын қасиеттерін жақсарттық, ал біздің әзірлеушілер ұжымы және жетекші мамандар Lexus Driving Signature жасап шығаруға ымырасыз көзқарас танытудың арқасында көліктің жолда жүру қасиеттерін жетілдіру үшін бірлесіп жұмыс істеді. Біз жүргізушінің ниетіне сай жылдам жауап беруді қамтамасыз ететін бірегей Lexus жүргізу сезімдерін жандандыруға талпындық. Сонымен қатар бүкіл әлемдегі клиенттеріміздің қажеттіліктерін қанағаттандыру үшін VIP жинақтамасын ұсынамыз. Стандартты және VIP модельдердегі интерьер әзірлеушілер ұжымының жұмысының жемісінен және олардың ұсақ-түйекке де жіті назар аударатынынан көрініс береді.
Бұған қоса клиенттеріміз жаңа Lexus LX көлігін тіпті жолсыздықта да жүргізуден ләззат алуы үшін көп пайдаланушыға арналған монитор қалай көрінетініне және жүргізушіге көмек көрсету жүйелері қалай басқарылатынына қатысты көп жұмыс жасадық. Әр клиент Lexus LX көлігінің бүкіл әлемдегі жолдардың барлық түрлерінде жайлы жүруге мүмкіндік беретін жүріс қасиеттеріне лайықты баға береді деп үміттенеміз» - ТАКАМИ ЁКОО, LEXUS LX БАС ИНЖЕНЕРІ.